Haqqımızda
Alza Fish MMC olaraq, Xəzər dənizinin sahilində yerləşən və tam qapalı su təchizatı sistemi ilə qurulmuş müasir akvakultura təsərrüfatımızda sağlam və yüksək keyfiyyətli balıqlar istehsal edirik. Su xüsusi borularla birbaşa Xəzərdən alınır və mexaniki-bioloji təmizləmə, ultrabənövşəyi şüalanma və ozonlaşdırma mərhələlərindən keçirilərək hovuzlara ötürülür.
Balıqlarımız, təbii həyat şəraitinə maksimum yaxınlaşdırılmış geniş və nəzarət olunan hovuzlarda yetişdirilir. Hovuzların dərinliyi 50 sm-dən 1.5 metrədək dəyişir və bu, onların sağlam böyüməsi üçün optimal şərait yaradır.
Qidalanmada yalnız yüksək keyfiyyətli, təbii tərkibli yemlərdən istifadə olunur. İstehsal prosesimizdə antibiotik və hormonlardan istifadə edilmir. Bu da məhsullarımızın insan sağlamlığına tam uyğun, təmiz və təhlükəsiz olmasını təmin edir.
Alza Fish-də əsas dəyərlərimiz — balanslaşdırılmış qidalanma, ətraf mühitə minimal təsir və tam nəzarətli istehsaldır. Məqsədimiz – təbiəti qoruyaraq istehlakçını təzə, sağlam və yüksək proteinli balıq məhsulları ilə təmin etməkdir.
